อรหํ สมฺมาสมฺพุทฺโธ, อุตฺตมํ ธมฺมมชฺฌคา,
มหาสงฺฆํ ปโพเธสิ, อิจฺเจตํ รตนตฺตยํ,
พุทฺโธ ธมฺโม สงฺโฆ จาติ, นานาโหนฺตมฺปิ วตฺถุโต,
อญฺญมญฺญาวิโยคา ว, เอกีภูตมฺปนตฺถโต,
พุทฺโธ ธมฺมสฺส โพเธตา, ธมฺโม สงฺเฆน ธาริโต,
สงฺโฆ จ สาวโก พุทฺธสฺส, อิจฺเจกาพทฺธเมวิทํ,
วิสุทฺธํ อุตฺตมํ เสฏฺฐํ, โลกสฺมึ รตนตฺตยํ,
สํวตฺตนฺติ ปสนฺนานํ, อตฺตโน สุทฺธิกามินํ,
สมฺมา ปฏิปชฺชนฺตานํ, ปรมาย วิสุทฺธิยา .
วิสุทฺธิ สพฺพกฺเลเสหิ, โหติ ทุกฺเขหิ นิพฺพุติ,
นิพฺพานํ ปรมํ สุญฺญํ, นิพฺพานํ ปรมํ สุขํ,
เอเตน สจฺจวชฺเชน, สุวตฺถิ โหตุ สพฺพทา .
รตนตฺตยานุภาเวน, รตนตฺตยเตชสา,
อุปทฺทวนฺตรายา จ, อุปสคฺคา จ สพฺพโส,
มา กทาจิ สมฺผุสึสุ, รฏฺฐํ สฺยามานเมวิทํ,
อาโรคิยสุขญฺเจว, ตโต ทีฆายุตาปิ ่จ,
ตพฺพตฺถูนญฺจ สมฺปตฺโย, สุขํ สพฺพตฺถ โสตฺถิ จ,
ภวนฺตุ สมฺปวตฺตนฺตุ, สฺยามานํ รฏฺฐปาลินํ,
เต จ รฏฺฐญฺจ รกฺขนฺตุ, สฺยามรฏฺฐิกเทวตา,
สฺยามานํ รฏฺฐปาลีหิ, ธมฺมามิเสหิ ปูชิตา,
สิทฺธมตฺถุ สิทฺธมตฺถุ, สิทฺธมตฺถุ อิทํ ผลํ,
เอตสฺมึ รตนตฺตยสฺมึ, สมฺปสาทนเจตโส .