วิรูปกฺเขหิ เม เมตฺตํ, เมตฺตํ เอราปเถหิ เม,
ฉพฺยาปุตฺเตหิ เม เมตฺตํ, เมตฺตํ กณฺหาโคตมเกหิ จ,
อปาทเกหิ เม เมตฺตํ, เมตฺตํ ทิปาทเกหิ เม,
จตุปฺปเทหิ เม เมตฺตํ, เมตฺตํ พหุปฺปเทหิ เม,
มา มํ อปาทโก หึสิ, มา มา หึสิ ทิปาทโก,
มา มํ จตุปฺปโท หึสิ, มา มํ หึสิ พหุปฺปโท,
สพฺเพ สตฺตา สพฺเพ ปาณา, สพฺเพ ภูตา จ เกวลา,
สพฺเพ ภทฺรานิ ปสฺสนฺตุ, มา กิญฺจิ ปาปมาคมา .
อปฺปมาโณ พุทฺโธ, อปฺปมาโณ ธมฺโม, อปฺปมาโณ สงฺโฆ,
ปมาณวนฺตานิ สิรึสปานิ อหิ วิจฺฉิกา, สตปที อุณฺณานาภี สรพู มูสิกา,
กตา เม รกฺขา, กตา เม ปริตฺตา, ปฏิกฺกมนฺตุ ภูตานิ โสหํ นโม ภควโต,
นโม สตฺตนฺนํ สมฺมาสมฺพุทฺธานํ .